Санаи 30 январи соли ҷорӣ  ҷаласаи ҳисоботии ҷамъбасти фаъолияти  соли 2022-и Комиссияи татбиқи Қонуни Ҷумҳурии Тоҷикистон «Дар барои забони давлатии Ҷумҳурии Тоҷикистон» дар назди мақомоти иҷроияи ҳокимияти давлатии шаҳри Роғун баргузор гардид. Дар ҷаласа раиси Комиссия Саидзода Сунъатулло, муовини якум,  муовинони  раиси шаҳр,  роҳбари  дастгоҳи  раиси  шаҳр, мудирони  шуъбаву  бахшҳои  дастгоҳи  раиси шаҳр ва  сохторҳои  назди  мақомот,  раисони  ҷамоатҳои  шаҳраку  деҳот  ва  дигар  даъватшудагон иштирок намуданд. Маврид ба зикр аст, ки дар  ҷаласаи мазкур  масъалаҳои зерин мавриди  баррасӣ ва муҳокимаронӣ қарор гирифт:

1. Ҳисобот солонаи Комиссияи  татбиқи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон»  дар назди мақомоти иҷроияи ҳокимияти давлатии шаҳри Роғун  оид ба фаъолияти  комиссия дар соли 2022;
2. Оид ба    тасдиқи       Низомномаи       Комиссияи амалисозии Қонуни Ҷумҳурии Тоҷикистон  «Дар бораи забони давлатии Ҷумҳурии Тоҷикистон»  дар мақомоти иҷроияи ҳокимияти давлатии шаҳри Роғун, мақомоти худидоракунии шаҳрак ва деҳот, инчунин дигар ташкилоту муассисаҳо новобаста аз шакли моликият;
3. Оид ба   иҷрои   банди 11 – и Нақшаи амалисозии Барномаи рушди забони тоҷикӣ барои солҳои 2020 – 2030 дар шаҳри Роғун, ки бо қарори раиси шаҳри Роғун аз 03 феврали соли 2021, № 55 тасдиқ шудааст.
4. Ҷиҳати тасдиқи нақшаи кории Комиссияи татбиқ Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» дар назди мақомоти иҷроияи ҳокимияти давлатии шаҳри Роғун барои соли 2023.

Оид ба  масъалаҳои зикргардида муовини раиси шаҳр Шарафзода  Баҳром, мудири  шуъбаи рушди иҷтимоӣ ва робита бо ҷомеа Саидова Шаҳноз, раиси ҷамоати деҳоти Қади Об  Мирзоев Наҷбиддин ва мудири шуъбаи маориф Бегиҷонзода Роҳатшо  баромад намуда, қарорҳои дахлдор қабул карда шуд.