Мақомоти иҷроияи ҳокимияти давлатии шаҳри Роғун ҷиҳати иҷрои Фармони Президенти Ҷумҳурии Тоҷикистон, аз 4 декабри соли 2024, №882 “Дар бораи таъини интихоботи даъвати нави Маҷлиси Олии Ҷумҳурии Тоҷикистон ва Маҷлисҳои маҳаллии вакилони халқ” тадбирҳои амалӣ андешидааст.

Дар шаҳр бо қарори Маҷлиси вакилони халқӣ шаҳри Роғун аз 12 декабри соли 2024, №70 “Дар бораи таъсиси Комиссияи шаҳрии интихобот оид ба интихоботи вакилони Маҷлиси вакилони халқӣ шаҳри Роғун” таъсис дода шудааст. Дар заминаи татбирҳои роҳандозишуда, ҳоло 22 адад учатсткаҳо ва 31 адад ҳавзаҳои интихоботӣ тибқи тартиб бо Комиссияиҳои алоҳидаи худ таъсис дода шудааст.

Дар робита, ба омодагиҳо барои ташкил ва баргузории ин маъракаи муҳими сиёсӣ дар шаҳри Роғун, кабинаҳо барои интихобкунандагон қуттиҳои овоздиҳӣ ва дар 22 учаткаҳои интихоботӣ навиштаҷот оид ба суроғаи участкаи интихоботӣ оид ба интихоби вакилони Маҷлиси намояндагони Маҷлиси Олии Ҷумҳурии Тоҷикистон дар ҳавзаи якмандатии интихоботии Файзобод №11 ва суроғаи участкаҳои интихоботӣ оид ба интихоби вакилони Маҷлиси вакилони халқӣ шаҳри Роғун насб гардида, инчунин дар ҳар як участкаҳо ду адад банерҳои тарғиботӣ барои ҷалби интихобкунандагон, ба ин чорабинии сиёсӣ насб карда шудааст.

Дар ҳудуди шаҳр, барои ҷалби сокинон ба интихобот дар бешатар аз 15 мавзеъ банерҳои хурд ва калон бо навиштаҷотҳои интихоботӣ насб кардашуда, дар рӯзҳои наздик ин гуна шиору овезаҳо иловатан дар ҷойҳои мувофиқ насб карда мешавад.

Мазмуни ин банерҳои тарғиботию ташвиқотӣ, инчунин шиору овезаҳо тибқи тартиби муайянкардаи Комиссияи марказии интихобот ва райъпурсии Ҷумҳурии Тоҷикистон омода карда шудааст.

Илова бар ин, аз ҷониби мақомоти шаҳрдорӣ, дастгоҳи идеологӣ ва Комиссияи шаҳрии интихобот тибқи ваколати худ ҳамаи 22 участкаҳои интихоботӣ бо айёниятҳо, маводҳои зарурӣ, навиштаҷотҳои ҳайати комиссияҳо, қутиҳои калони овоздиҳӣ, қутиҳои хурди сайёри овоздиҳӣ, кабинаҳои интихоботӣ, таъмини матоъи зарурӣ барои руйи мизу курсиҳо ва кабинаҳо, маводҳои конселярӣ ва дигар лавозимоти зарурӣ барои участкаҳо таъмин гардида пурра омода карда шудааст. Дар ҳамаи участкаҳои интихоботӣ як гӯшаи интихоботӣ барои номзад ба вакили Маҷлиси намояндагони Маҷлиси Олӣ ва як гӯшаи дигар, барои номзадҳо ва вакили Маҷлиси вакилони халқӣ шаҳри Роғун бо маводҳои зарурӣ омода карда шудааст.

Мавриди зикр аст, ки айни замон ар шаҳр, 31 ҳавази интихоботӣ оид ба вакилони Маҷлиси вакилони халқӣ шаҳри Роғун, 29 ҳавза дар Ҷамоати шаҳраки Оби Гарм, 29 ҳавза дар Ҷамоати деҳоти Қади Об ва 16 ҳавза дар Ҷамоати деҳоти Сичароғ барои интихоби вакилони Маҷлиси вакилони ҷамаотҳо низ таъсис дода шудааст.

Дар заминаи ин, аз ҷониби Дастгоҳи идеологӣ тибқи нақша дар ҳамкори бо гурӯҳи корӣ ва КИ ҲХДТ дар шаҳри Роғун дар деҳаю маҳаллаҳо ва 31 ҳавзаҳои интихоботӣ вохурию мулоқотҳо оид ба мавзӯҳои паёми навбатии роҳбари давлат, омодагиҳо ба интихобот ҳамчун як маъракаи муҳими сиёсӣ ва муаррифии номзадҳо ба вакилони Маҷлиси вакилони халқӣ шаҳри Роғун ва ҷамоатҳо аллакай роҳандозӣ шуда, тибқи нақша идома дорад.

Вобаста ба тарғибу ташвиқоти пешазинтихоботии номзадҳо бошад, корҳои ташвиқотӣ доир карда шуда, то имрӯз бошад барномаҳои аксарият номзадҳо омода гардида, нусхаи онҳо дар гӯшаҳои участкаҳои интихоботӣ ва ҷойҳои ҷамъиятӣ насб карда шудааст.

Нақшаи баргузории вохӯрии номзадҳо ба вакили Маҷлиси намояндагони Маҷлиси Олӣ бошад, рӯзи 20 феврал дар се мавзеъ толори МТМУ №2, МТМУ №3 ва ҷойи ҷамъиятии деҳаи Қалъаи Нав ба нақша гирифта шудааст. Барномаҳои пешазинтихоботии номзадҳо ба вакили Маҷлиси намояндагони Маҷлиси Олӣ, низ аллакай омода гардида, барои тарғибу ташвиқ ва насб кардан дар ҷойҳои зарурӣ ба Комиссияи шаҳри интихобот дастрас карда шудааст.

Тибқи нақшаи Комиссияи марказии интихобот боздиди мушоҳидони байналмилалӣ аз участкаҳои интихоботӣ амалӣ мегардад, ки рӯзи 18 феврал ва як рӯз пеш аз интихобот ва дар рӯзи баргузории интихобот эҳтимолӣ ташрифи онҳо ба шаҳри Роғун низ вуҷуд дорад.  Дар робита ба ин, ҷиҳати дар сатҳи баланди ташкилию сиёсӣ ва дар фазои баланди идона, қабул намудани онҳо, ташкил ва баргузор намудани ин чорабинии сиёсӣ, ҳамзамон таъмини тартиботӣ ҷамъиятӣ ва амнияти меҳмонону мушоҳидон дар ҳамкорӣ бо Комиссияи шаҳрии интихобот ва дигар мақомоти дахлдор чораҳои зарурӣ андешида шудааст. 

Мақомоти иҷроияи ҳокимияти давлатии шаҳри Роғун ва Комиссияи шаҳрии интихобот бо мақсади дар сатҳи баланди ташкилӣ доир кардани ин чорабинии сиёсӣ чораҳои судмандро роҳандозӣ намудааст.

Шарафзода Баҳром,

Муовини раиси шаҳри Роғун